لینڈ سلائیڈنگ سے بند بابو سر ناران روڈ 5 میں سے 2 مقامات پر بحال کردی گئی

ضلع دیامر میں گزشتہ روز سیلابی ریلوں اور لینڈ سلائیڈنگ سے بند بابو سر ناران روڈ 5 میں سے 2 مقامات پر بحال کردی گئی ہے، تتہ پانی کے مقام پر بند شاہراہِ قراقرم چھوٹی گاڑیوں کے لیے بحال کی گئی ہے۔ گزشتہ روز دیامر کے متعدد دیہاتوں تھک دیونگ، جل تھک نیاٹ ویلی میں سیلاب سے متعدد مکانات، فصلیں اور رابطہ سڑکیں متاثر ہوئی تھیں۔
لینڈسلائیڈنگ اور سیلابی ریلوں سے شاہراہ بابوسر ناران 5 مقامات سے بند ہوگئی تھی جس سے مقامی افراد اور سیاح پھنس گئے۔ بابوسر ناران نیشنل ہائی وے کے 5 میں سے 2 مقامات کو بحال کردیا گیا ہے اور روڈ کی بحالی کے لیے کام جاری ہے۔ ادھر تتہ پانی کے مقام پر بند شاہراہِ قراقرم چھوٹی گاڑیوں کے لیے بحال کردی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں